搵位 記車 收警示
香港駕駛者嘅泊車 App。附近 800 米嘅停車場同咪錶位有冇位，一眼睇晒；泊好車記低位置同咪錶時間；附近有泊車狀況，一按通知大家。
800 米內，邊度有位一眼睇晒
停車場同電子咪錶街道一齊列，有位嘅排先，再按距離排。停車場睇即時空位，咪錶街睇仲有幾多個空位同收費。揀好就按「帶我去」，用 Apple 地圖或者 Google 地圖導航。
泊好咗，記埋位同時間
一按「泊好咗」記低泊車位置，只存喺你部手機。泊咪錶可以順手開倒數：30、60、90、120 分鐘或者自訂，到鐘前 5 分鐘提你，返去搵車都有位置導航。
附近有狀況，一按話俾大家知
附近有影響泊車嘅狀況，開 App 按「泊車警示」就完成，唔使打字。你揀嘅 100 至 1000 米範圍內，車主即刻收到推播，提醒大家留意泊車規定。資訊 30 分鐘自動失效，在場用戶可以回報「狀況已解除」。請時刻遵守交通法例。
你嘅位置，只用嚟搵位同推播
匿名通報
其他用戶睇唔到邊個通報或者確認。
唔會背景定位
只喺你用緊 App（開地圖、搵位、記車或者通報）嗰陣讀取位置。
泊車記錄留喺手機
你泊喺邊、咪錶幾時到鐘，都唔會上傳。
常見問題
泊好車係咩 App？
泊好車 Chapaan HK 係俾香港駕駛者用嘅免費泊車 App：搵附近停車場、咪錶位同非咪錶泊位，睇埋附近充電站；記低泊車位置同咪錶時間；接收附近車主發出嘅泊車警示。
點樣知附近邊度有車位？
開 App 就會列出你身處位置 800 米內嘅停車場、電子咪錶街道同非咪錶泊位。有位嘅排先，再按距離排。
睇唔睇到咪錶位有冇空位？
睇到。咪錶街會顯示仲有幾多個空位同收費，停車場就顯示即時空位。非咪錶泊位只有部分裝咗感應器，冇即時資料嘅會標明「暫無即時資料」。
資料幾耐更新一次？
每分鐘更新。資料來自運輸署經資料一線通 data.gov.hk 發放嘅開放數據，僅供參考。
咪錶到鐘會唔會提我？
會。泊好之後可以開倒數：30、60、90、120 分鐘或者自訂，到鐘前 5 分鐘提你。
唔記得泊咗喺邊點算？
泊車時一按「泊好咗」記低位置，返去搵車可以一按導航。位置只存喺你部手機。
泊車警示係咩？
附近有影響泊車嘅狀況，車主可以一按通知 100 至 1000 米範圍內嘅其他車主。資訊 30 分鐘自動失效，通報完全匿名。
泊好車係咪抄牌 App？
泊好車係泊車 App，主要功能係搵位、記車同咪錶倒數。泊車警示係車主之間嘅提醒，資訊由用戶自願提供，僅供參考；請時刻遵守交通法例及泊車規定。
會唔會追蹤我嘅位置？
唔會背景定位，只喺你用緊 App 嗰陣讀取位置。泊車記錄留喺手機，唔會上傳。
收唔收費？有冇 Android 版？
免費，喺 App Store 下載。暫時只有 iPhone 版。
點樣搵附近嘅電動車充電站？
喺「地圖」開啟「充電站」，就會見到 800 米內嘅公共充電站，撳入去睇地址、距離同官方公布嘅充電器類別，可以一按導航。資料來自環境保護署經資料一線通 data.gov.hk 發放嘅開放數據，僅供參考。
睇唔睇到充電站有冇空、收幾多錢？
暫時未得。App 只顯示充電站位置同官方公布嘅充電器資料，未有即時使用狀況同收費，出發前請向營運商確認。
下次泊車，
開泊好車先。